టీటీడీపీకి బిగ్ షాక్.. బీఆర్ఎస్‌లోకి రావుల చంద్రశేఖర్ రెడ్డి..?

దిశ, వెబ్‌డెస్క్: ఎన్నికల వేళ తెలంగాణలో టీడీపీకి మరో బిగ్ షాక్ తగలనుంది. టీడీపీ పొలిట్‌‌బ్యూరో సభ్యులు రావుల చంద్రశేఖర్ రెడ్డి పార్టీకి రాజీనామా చేసే యోచనలో ఉన్నారు. అధికార బీఆర్ఎస్ పార్టీలో ఆయన చేరేందుకు సిద్దమవుతున్నారు. ఇప్పటికే బీఆర్ఎస్ నేతలతో ఆయన టచ్‌లోకి వెళ్లారు. ఈ నెల 15లోపు పార్టీ మార్పుపై రావుల చంద్రశేఖర్ రెడ్డి నిర్ణయం తీసుకోనున్నారని తెలుస్తోంది.

1994, 2009 అసెంబ్లీ ఎన్నికల్లో వనపర్తి నుంచి రెండుసార్లు టీడీపీ తరపున ఎమ్మెల్యేగా రావుల గెలిచారు. ప్రత్యేక తెలంగాణ ఏర్పాటైన తర్వాత దాదాపు టీటీడీపీ నేతలందరూ బీఆర్ఎస్, కాంగ్రెస్‌లోకి వెళ్లిపోయారు. కానీ రావుల మాత్రం పార్టీని అంటిపెట్టుకుని ఉన్నారు. కానీ ఇప్పుడు ఎన్నికల వేళ పార్టీ మారేందుకు రావుల రంగం సిద్దం చేసుకుంటున్నట్లు సమాచారం.