వికారాబాద్బీఆర్ఎస్ ఎమ్మెల్యేపై ఆరోపణలు
దిశ, రంగారెడ్డి బ్యూరో: ఉన్నత చదువులు చదువుకున్న విద్యావంతుడు, ప్రజారోగ్యం పట్టించుకునే వైద్యుడే ఎమ్మెల్యేగా ఎన్నికకావడంతో ప్రజలు సంతోషం వ్యక్తం చేశారు. కానీ ఆ విద్యావంతుడే నమ్ముకున్న కార్యకర్తలను ఇబ్బందులకు గురిచేస్తే తట్టుకోలేక ఒక్కొక్కరుగా తమ బాధను వెల్లడిస్తున్నారు. బీఆర్ఎస్అధినేత పాత, కొత్త కలయికలతో పార్టీని ముందకు తీసుకెళ్లాలని, అందరితో సమన్వయంతో పార్టీ బలోపేతానికి కృషి చేయాలని సూచిస్తే... అందుకు భిన్నంగా క్షేత్రస్ధాయిలోనే ఎమ్మెల్యేలు వ్యవహరిస్తున్నట్లు స్పష్టమైతుంది. ఇటీవల కాలంలో వికారాబాద్ఎమ్మెల్యే వ్యవహారశైలికి వ్యతిరేకంగా మరో వర్గం తమ ఆవేదనను వ్యక్తం చేసేందుకు సిద్దమైయ్యారు. క్షేత్రస్ధాయిలో జరుగుతున్న పార్టీ పరిస్థితిని బహిర్గతం చేయకుండా సీనియర్నాయకులపై కేసులు పెట్టించి వేదిస్తున్నారనే ప్రచారం లేకపోలేదు. వ్యక్తిగతంగా కక్ష్య కట్టి వ్యాపార లావాదేవీల్లో ఎమ్మెల్యే కలుగజేసుకుని తీవ్ర ఇబ్బందులకు గురిచేస్తున్నారని అసమ్మత్తి వర్గం నేతలు బహిరంగంగానే చర్చించుకుంటున్నారు.
అధినేత కేసీఆర్, వర్కింగ్ప్రెసిడెంట్కేటీఆర్లు తానేమీ చేసినా పట్టించుకోరనే వ్యవహారంతో నేల వీడిచి సాము చేస్తున్నారనే విమర్శులున్నాయి. అధిష్టానం వికారాబాద్ నియోజకవర్గంలో ఎమ్మెల్యే చేసే ఆగడాలపై క్షేత్రస్ధాయిలో పరిశీలించి తగు చర్యలు తీసుకోవాలని సీనియర్బీఆర్ఎస్ నేతలు, మాజీ ప్రజాప్రతినిధులు, ప్రస్తుత ప్రజాప్రతినిధులు స్పష్టం చేస్తున్నారు. మండల కేంద్రాల్లో పార్టీ కార్యక్రమాలు జరిగితే సీనియర్లను దూరం చేసే కుట్ర చేస్తున్నారు. ప్రభుత్వం ప్రవేశపెట్టే సంక్షేమ పథకాలు అర్హులైన సీనియర్నాయకులకు, వారి అనుచరులకు దక్కకుండా వ్యవహారిస్తున్నారు. నియోజకవర్గంలో ఎమ్మెల్యే ఆనంద్ చేసే ఆగడాలకు అదుపు లేకుండా పోయిందనే చర్చ తీవ్రంగా నడుస్తుంది. మళ్లీ ఆనంద్ కే బీఆర్ఎస్టికెట్ఇస్తే పార్టీ ఒటమి తప్పదని పార్టీ నాయకులు, కార్యకర్తలు అంటున్నారు.
