మహేశ్వరం ప్రజల గుండెచప్పుడుగా పనిచేస్తా.. ఎమ్మెల్యే సబితా ఇంద్రారెడ్డి

దిశ, మహేశ్వరం : మహేశ్వరం నియోజకవర్గం అభివృద్ధి సంక్షేమమే ధ్యేయంగా ముందుకెళ్తానని ఎల్లప్పుడూ అందరికీ అందుబాటులో ఉంటానని మహేశ్వరం నియోజకవర్గం ఎమ్మెల్యే సబితా ఇంద్రారెడ్డి అన్నారు. గురువారం మహేశ్వరం మండల కేంద్రంలోని పోతర్ల బాబయ్య ఫంక్షన్ హాల్లో విజయోత్సవ సభలో పాల్గొన్నారు. ఈ సందర్భంగా ఎమ్మెల్యే సబితా ఇంద్రారెడ్డి మాట్లాడుతూ మహేశ్వరం నియోజకవర్గం ప్రజల గుండెచప్పుడుగా నిరంతరం పనిచేస్తానన్నారు. మూడోసారి ఎమ్మెల్యేగా గెలిపించిన ప్రజలకు ఒక సేవకురాలిగా సేవ చేస్తానన్నారు.

రానున్నది ఎన్నికల కాలమని, అన్ని ఎన్నికల్లో బీఆర్ఎస్ పార్టీ అభ్యర్థులను గెలిపించాలని బీఆర్ఎస్ శ్రేణులను కొరారు. మహేశ్వరం నియోజకవర్గం అభివృద్ధి ధ్యేయంగా ముందుకు వెళ్తానన్నారు. తన గెలుపు కోసం కృషి చేసిన ప్రతి ఒక్కరికి కృతజ్ఞతలు తెలిపారు. ఈ కార్యక్రమంలో ఇన్చార్జీ ఎంపీపీ సునీత అంధ్యానాయక్, పీఏసీఎస్ చైర్మన్ పాండు యాదవ్, వైస్ చైర్మన్ వెంకటేశ్వర్ రెడ్డి, బీఆర్ఎస్ పార్టీ మండల అధ్యక్షుడు రాజు నాయక్, వర్కింగ్ ప్రెసిడెంట్ యాదగిరి గౌడ్, నాయకులు అంజయ్య ముదిరాజ్, వట్టెల మల్లేష్ యాదవ్ , కర్రోల్ల చంద్రయ్య ముదిరాజ్, హాన్మగల్ల చంద్రయ్య, కూన యాదయ్య, మద్ది కరుణాకర్ రెడ్డి, పలు గ్రామాల సర్పంచ్లు, ఎంపీటీసీలు, బీఆర్ఎస్ పార్టీ నాయకులు తదితరులు పాల్గొన్నారు.