బీరువా పగులగొట్టి 20 తులాల బంగారం చోరీ

దిశ, యాచారం : 20 తులాల బంగారం కొంత నగదును దొంగలు అపహరించుకు పోయిన ఘటన యాచారం పోలీస్ స్టేషన్ పరిధిలో చోటుచేసుకుంది. సీఐ శంకర్ కుమార్ తెలిపిన వివరాల ప్రకారం… మండలంలోని గున్ గల్ గ్రామానికి చెందిన మహమ్మద్ రఫీ ఆదివారం కుటుంబ సభ్యులతో కలిసి నల్గొండ జిల్లాలోని పీఏ పల్లి లోని బంధువుల ఇంటికి వెళ్లారు. సోమవారం తమ ఇంటికి రాగా వేసిన తలుపులు తెరిచి ఉండడంతో ఇంటిలోకి వెళ్లి చూడగా బీరువా తాళం పగులగొట్టి 20 తులాల బంగారం, కొంత నగదును దొంగలు దోచుకు వెళ్లారని, బాధితుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.