కొన్ని ఏళ్ల కల నెరవేరుతోంది

దిశ, ఎల్లారెడ్డి : ఎక్కపల్లి, సజ్జనపల్లి, పోల్కంపేట గ్రామస్తుల కల నెరవేరబోతుంది. బల్కంపేట సజ్జనపల్లి, ఏక్కపల్లి గ్రామాల మార్గమధ్యలో ఉన్న పెద్ద వాగుపై, హై లెవెల్ బ్రిడ్జి నిర్మాణం కోసం మంగళవారం ఎల్లారెడ్డి ఎమ్మెల్యే మదన్మోహన్ శంకుస్థాపన చేశారు. హై లెవెల్ బ్రిడ్జి నిర్మాణం అంచనా విలువ 3.75 లక్షల రూపాయల నిధులతో మంజూరైనట్లు, పనులు త్వరలోనే ప్రారంభించాలని అధికారులకు ఎమ్మెల్యే మదన్మోహన్ సూచించారు. పెద్దవాగుపై వంతెన నిర్మాణంపై గ్రామస్తులు హర్షం వ్యక్తం చేశారు. ఈ కార్యక్రమంలో లింగంపేట్ మండల కాంగ్రెస్ పార్టీ అధ్యక్షులు నారా గౌడ్, ఎల్లారెడ్డి వ్యవసాయ మార్కెట్ కమిటీ వైస్ చైర్మన్ రాజు లింగంపేట్ మండలంలోని మండల కాంగ్రెస్ పార్టీ నాయకులు తదితరులు పాల్గొన్నారు