షాదీఖానాను పరిశీలించిన ఎమ్మెల్యే

దిశ, చౌటుప్పల్ టౌన్: చౌటుప్పల్ మున్సిపల్ కేంద్రంలోని ఎలిమినేటి మాధవరెడ్డి షాదీఖానాను మునుగోడు శాసనసభ్యుడు కోమటిరెడ్డి రాజగోపాల్ రెడ్డి శనివారం సందర్శించి పరిశీంచారు. షాదీఖానా చైర్మన్ గా ఇటీవల స్థానిక మైనార్టీ నాయకుడు కరీంను నియమించారు. షాదీఖానా లో నెలకొన్న సమస్యలను ఎమ్మెల్యే దృష్టికి తీసుకెళ్లగా..ఆయన స్పందించి అక్కడికి వచ్చారు. షాదీఖానలో నెలకొన్న సమస్యలను నూతన చైర్మన్ ను అడిగి తెలుసుకున్నారు. అవసరమైన మౌళిక వసతులు కల్పించేందుకు తన వంతు సహాయ సహకారాలు అందిస్తానని ఎమ్మెల్యే హామీ ఇచ్చారు. ఈ కార్యక్రమంలో మున్సిపల్ చైర్మన్ వెన్ రెడ్డి రాజు, కౌన్సిలర్ మహమ్మద్ బాబా షరీఫ్, కమ్రుద్దీన్, జహీర్, షరీఫ్, జడ్పిటిసి సభ్యుడు చిలుకూరు ప్రభాకర్ రెడ్డి, కాసర్ల శ్రీనివాస్ రెడ్డి, సుర్వి నరసింహ గౌడ్, మొగుదాల రమేష్ గౌడ్, ఎండి హన్నుబాయ్, ఎజాజ్ పాషా తదితరులు పాల్గొన్నారు.