చిట్యాలను ఆదర్శ మున్సిపాలిటీగా అభివృద్ధి చేస్తా : ఎమ్మెల్యే

దిశ, చిట్యాల: చిట్యాల మున్సిపాలిటీలోని అన్ని వార్డులలో మౌలిక వసతులను కల్పించి అభివృద్ధిలో ఆదర్శంగా తీర్చిదిద్దుతామని నకిరేకల్ ఎమ్మెల్యే వేముల వీరేశం అన్నారు. సోమవారం మున్సిపాలిటీకి 15 వ ఆర్థిక సంఘం నిధులు రూ. 10.5 లక్షలతో ట్రాక్టర్, ట్యాంకర్ రూ. 7 లక్షల నిధులతో ఆటో మంజూరు కాగా ఆయన మిర్యాలగూడ ఎమ్మెల్యే బత్తుల లక్ష్మారెడ్డితో కలిసి ప్రారంభించారు. అనంతరం ఆయన మాట్లాడుతూ… నకరికల్లు నియోజకవర్గంలోని చిట్యాల మున్సిపాలిటీ అభివృద్ధి కోసం అధిక నిధులను మంజూరు చేయించి అన్ని రంగాల్లో అభివృద్ధి సాధించేలా కృషి చేస్తానన్నారు. కాంగ్రెస్ ప్రభుత్వం ప్రజా సంక్షేమం, అభివృద్ధిలపై ప్రధానంగా దృష్టి సారించిందని అందులో భాగంగానే ఎన్నికల సమయంలో ఇచ్చిన 6 గ్యారంటీల అమలుపై చిత్తశుద్ధితో ముందుకు వెళ్తుందన్నారు. ఈ కార్యక్రమంలో మున్సిపల్ చైర్మన్ కోమటిరెడ్డి వెంకటరెడ్డి, కమిషనర్ వీరేందర్, వైస్ చైర్మన్ కూరెళ్ళ లింగస్వామి, కౌన్సిలర్లు కోనేటి కృష్ణ, బెల్లి సత్తయ్య, రెముడాల లింగస్వామి, జడల పూలమ్మ, జిట్ట పద్మ, జమాండ్ల జయమ్మ, నాయకులు పోకల దేవదాసు, జడల చిన్న మల్లయ్య, ఎస్ కే ఇబ్రహీం, తదితరులు పాల్గొన్నారు.