PM Modi in Hyderabad :కాసేపట్లో హైదరాబాద్‌కు మోడీ.. తెలుగులో ఇంట్రస్టింగ్ ట్వీట్
దిశ, వెబ్‌డెస్క్: పలు అభివృద్ధి పనుల ప్రారంభోత్సవానికి రాష్ట్రానికి రానున్న ప్రధాని మోడీ కాసేపట్లో హైదరాబాద్ కు చేరుకోనున్నారు. ఈ నేపథ్యంలో ప్రధాని మోడీ తెలుగులో ట్వీట్ చేయడం ఇంట్రస్టింగ్ గా మారింది. హైదరాబాద్ బయలు దేరి అక్కడ సికింద్రాబాద్ - తిరుపతి మధ్య వందేభారత్ ఎక్స్ ప్రెస్ ను ప్రారంభించి, ఇతర అభివృద్ధి పనులను ప్రారంభించి, శంకుస్థాపనలు చేస్తానని ప్రధాని మోడీ ట్వీట్ లో పేర్కొన్నారు.
అయితే ప్రధాని మోడీ కాసేపట్లో బేగంపేట్ ఎయిర్ పోర్ట్ చేరుకోనున్నారు. వందే భారత్ రైలు, 13 ఎంఎంటీఎస్ రైళ్లను ప్రారంభించనున్నారు. వీటితో పాటు బీబీనగర్ ఎయిమ్స్ ఆధునిక భవనాలకు శంకుస్థాపన చేయనున్నారు. అనంతరం పరేడ్ గ్రౌండ్ బహిరంగ సభలో పాల్గొంటారు. ఇందుకు ఇప్పటికే వెయ్యి మంది పోలీసులతో భారీ బందోబస్తు ఏర్పాటు చేశారు. బేగంపేట- సికింద్రాబాద్ మార్గంలో ట్రాఫిక్ ఆంక్షలు విధించారు.
