R. Krishnaiah : సచివాలయంలో కులగణనపై సమావేశం.. చర్చల్లో ఆర్. కృష్ణయ్య

దిశ, డైనమిక్ బ్యూరో: తెలంగాణలో కాంగ్రెస్ ప్రభుత్వం ప్రతిష్టాత్మక నిర్ణయం కులగణన సర్వే ఈ నెల 6 నుంచి మొదలు కాబోతున్న విషయం తెలిసిందే. ఈ నేపథ్యంలోనే సోమవారం తెలంగాణ సచివాలయంలో కులగణనపై సమావేశం నిర్వహించారు. మంత్రి శ్రీధర్ బాబు చాంబర్‌లో జరిగిన ఈ కులగణన సమావేశంలో మంత్రి శ్రీధర్ బాబు, టీపీసీసీ అధ్యక్షుడు మహేష్ కుమార్ గౌడ్, మధు యాష్కీ, మాజీ ఎంపీ ఆర్ కృష్ణయ్య, ఎమ్మెల్యేలు దానం నాగేందర్, షాద్‌నగర్ శంకర్ తదితరులు పాల్గొన్నారు.

ఈ సమావేశంలో కులగణన విధివిధానాలపై చర్చలు జరిపినట్లు తెలిసింది. మాజీ ఎంపీ ఆర్ కృష్ణయ్య కులగణనపై సలహాలు, సూచనలు చేసినట్లు సమాచారం. అదేవిధంగా కృష్ణయ్య మంత్రి శ్రీధర్ బాబు, టీపీసీసీ చీఫ్ మహేశ్ కుమార్ గౌడ్, మధుయాష్కీ, తదితురులకు ఈ సందర్భంగా శాలువ కప్పి సత్కరించారు.