మేడ్చల్ మున్సిపల్ అభివృద్ధికి నిధులు కేటాయించండి : బీఆర్ఎస్ నాయకులు

దిశ, మేడ్చల్ టౌన్ : ఉమ్మడి రంగారెడ్డి జిల్లా అధ్యక్షులు ఎమ్మెల్సీ శంబిపూర్ రాజును మేడ్చల్ మున్సిపల్ బీఆర్ఎస్ పార్టీ నాయకులు ఆయన నివాసంలో మర్యాదపూర్వకంగా కలిశారు. ఈ సందర్భంగా మేడ్చల్ మున్సిపాలిటీ పరిధిలో పలుఅభివృద్ధి పనుల కొరకు నిధులు కేటాయించాలని వారు కోరారు. అంతేకాకుండా మేడ్చల్ మున్సిపాలిటీ పరిధిలోని 11వ వార్డులు తుమ్మ చెరువు ప్రత్యేక నిధులు మంజూరు చేయించాలని ఎమ్మెల్సీని కోరినట్లు మాజీ వార్డ్ సభ్యుడు రవీందర్ కోరినట్లు తెలిపారు.

దీనికి ఎమ్మెల్సీ శంబిపూర్ రాజు సానుకూలంగా స్పందిస్తూ మేడ్చల్ మున్సిపల్ సమస్యలను మున్సిపల్ శాఖ మంత్రి కేటీఆర్ కి వివరించి త్వరలోనే నిధులు మంజూరు చేయిస్తానని హామీ ఇచ్చారని బీఆర్ఎస్ పార్టీ నాయకులు తెలిపారు. ఈ కార్యక్రమంలో మేడ్చల్ మున్సిపల్ బీఆర్ఎస్ పార్టీ అధ్యక్షుడు శేఖర్ గౌడ్, మార్కెట్ కమిటీ చైర్మన్ భాస్కర్ యాదవ్, మాజీ మార్కెట్ కమిటీ చైర్మన్ సత్యనారాయణ, బీఆర్ఎస్ పార్టీ వర్కింగ్ ప్రెసిడెంట్ రామస్వామి, మాజీ ఉపసర్పంచ్ మర్రి నర్సింహారెడ్డి, మున్సిపల్ కౌన్సిలర్ మర్రి శ్రీనివాస్ రెడ్డి, మాజీ వార్డ్ మెంబర్ పానుగంటి రవీందర్, కోఆప్షన్ సభ్యులు నవీన్ రెడ్డి, మోహన్ రెడ్డి, తదితరులు పాల్గొన్నారు.