దున్న రాజాల పై జగ్గారెడ్డి స్టెప్పులు..

దిశ, సంగారెడ్డి : సంగారెడ్డి జిల్లా కేంద్రంలో టీపీసీసీ వర్కింగ్ ప్రెసిడెంట్ జగ్గారెడ్డి ఆధ్వర్యంలో సదర్ సమ్మేళనం ఉత్సాహంగా జరిగింది. ప్రత్యేకంగా విద్యుత్ దీపాలంకరణలో భారీగా ఏర్పాట్లు చేశారు. సదర్ ఉత్సవ కమిటీ ఆధ్వర్యంలో ఐబీ వద్ద యాదవులు సదర్ వైభవంగా నిర్వహించారు. హైదరాబాద్ నుంచి తెప్పించిన దున్న రాజుల విన్యాసాలు, యాదవుల ఆటపాటలు పట్టణ ప్రజలను విశేషంగా ఆకట్టుకున్నాయి. జగ్గారెడ్డి దున్న రాజుల పై ఎక్కి హుషారుగా యాదవ సోదరులతో కలిసి డాన్సులు చేశారు.

సదర్ ఉత్సవం సందర్భంగా యాదవుల కులదైవం అయిన శ్రీకృష్ణుని పాటను యాదవులతో కలిసి పాడారు. సదర్ సమ్మేళనంలో టీజీఐఐసీ ఛైర్పర్సన్ నిర్మల జగ్గారెడ్డి, మాజీ గ్రంథాలయ సంస్థ చైర్మన్ తోపాజి అనంతకిషన్, జూలకంటి ఆంజనేయులు, కూన సంతోష్, కిరణ్ గౌడ్, మహేష్, సదర్ ఉత్సవ కమిటీ సభ్యులు ప్రదీప్ యాదవ్, బాలు యాదవ్, శ్రీశైలం యాదవ్, సతీష్ యాదవ్, నాగు యాదవ్ తో పాటు పెద్ద సంఖ్యలో యాదవులు మహిళలు పాల్గొన్నారు.