ఘనంగా మంత్రి హరీష్ రావు జన్మదిన వేడుకలు
ధాన్యం, అయిల్ ఫాం మొక్కలతో సీఎం కేసీఆర్, మంత్రి హరీష్ రావు చిత్రాలు
దిశ, సిద్దిపేట ప్రతినిధి : రాష్ట్ర ఆర్దిక, వైద్య ఆరోగ్య శాఖ మంత్రి తన్నీరు హరీష్ రావు జన్మదిన వేడుకలను సిద్దిపేటలో పార్టీ శ్రేణులు, నాయకులు, అభిమానులు ఘనంగా నిర్వహించారు. సిద్దిపేట పత్తి మార్కెట్ యార్డ్ లో రైతు దినోత్సవం, మంత్రి హరీష్ రావు పుట్టిన రోజు పురస్కరించుకొని మార్కెట్ కమిటీ చైర్మన్ మచ్చ విజిత వేణుగోపాల్ రెడ్డి ఆధ్వర్యంలో రకరకాల ధాన్యంతో రైతు, సీఎం కేసీఆర్, మంత్రి హరీష్ రావు భారీ చిత్రాలను తీర్చిదిద్ది అభిమానం చాటుకున్నారు.
మక్కజొన్నలు, పెసర్లు, పజొన్నలు, వడ్లు, పొద్దు తిరుగుడు ఇలా రకరకాల ధాన్యం ఉపయోగించి రుపొందించిన చిత్రాలు ప్రత్యేక అకర్షణగా నిలిచాయి. అదే విధంగా రంగనాయక్ సాగర్ వద్ద అయిల్ ఫామ్ మొక్కలతో మంత్రి తన్నీరు హరీష్ రావు చిత్ర పటాన్ని రుపొందించి అభిమానులు అభిమానం చాటుకున్నారు. దీనికి తోడు మంత్రి హరీష్ రావు జన్మదినం పురస్కరించుకొని సిద్దిపేట జిల్లా కేంద్రంలో పలు దేవాలయాలు, చర్చ్, ఈద్గా లో ప్రత్యేక పార్ధనలు నిర్వహించారు.
మంత్రి క్యాంప్ కార్యాలయంలో కేక్ కట్ చేసిన బీఆర్ఎస్ పార్టీ నాయకులు రక్తదాన శిబిరం నిర్వహించి, మొక్కలు నాటారు. ప్రభుత్వ ఆసుపత్రిలో పండ్ల పంపిణీ, బాలసదానంలో అనాథ పిల్లలకు దుస్తుల పంపిణీ, అన్నదానం కార్యక్రమాలు నిర్వహించారు. ఈకార్యక్రమాలల్లో మున్సిపాల్ చైర్ పర్సన్ మంజుల రాజనర్సు, బీఆర్ఎస్ పట్టణ అధ్యక్షుడు కొండం సంపత్ రెడ్డి, ప్రజాప్రతినిధులు, నాయకులు పాల్గొన్నారు.
