Arrested : గంజాయి అమ్ముతున్న ఫ్యామిలీ అరెస్ట్

దిశ, నర్సాపూర్ : గంజాయిని అక్రమంగా అమ్ముతూ యువతను పక్కదారి పట్టిస్తున్న ఓ ఫ్యామిలీని పోలీసులు అరెస్టు చేసి రిమాండ్ కు తరలించారు. పోలీసులు తెలిపిన వివరాల ప్రకారం… గత నెల 29న నర్సాపూర్ పట్టణానికి చెందిన కూనపులి వికాస్, అతని తండ్రి కూనపులి రమేష్, తల్లి కూనపులి సరస్వతి లు అక్రమంగా నర్సాపూర్ శివాలయం వీధి సమీపంలో కొంతమంది యువకులకు గంజాయి అమ్ముతూ పట్టుబడ్డారు. వారి నుంచి రూ. 2,000 వేల విలువగల 94 గ్రాముల ఎండు గంజాయి ప్యాకెట్లు స్వాధీనం చేసుకున్నట్లు నర్సాపూర్ ఎస్సై లింగం తెలిపారు. వారిపై ఎన్ డి పి ఎస్ చట్టం ప్రకారం కేసు నమోదు చేసి జైలుకు తరలించారు. ఈ సందర్భంగా ఆయన మాట్లాడుతూ…ఎవరైనా చట్టానికి విరుద్ధంగా గంజాయిని అమ్మిన, అక్రమ రవాణా చేసిన 100 లేదా ఎస్ ఐ నంబర్ 8712657941 కి కాల్ చేసి సమాచారం ఇవ్వాలని కోరారు.