వీలైనంత త్వరగా డాక్టర్స్‌ను నియమించాలి: ఎమ్మెల్యే అబ్రహం

దిశ, ఉండవల్లి: జోగులాంబ గద్వాల జిల్లా ఉండవల్లి మండలం అలంపూర్ చౌరస్తాలో రాష్ట్ర ప్రభుత్వం ఎంతో ప్రతిష్టాత్మకంగా నిర్మించిన 100 పడకల హాస్పిటల్ త్వరలో పూర్తి కానుంది. అందుకు తగినట్లుగా వైద్యశాలలో వీలైనంత త్వరగా డాక్టర్లను నియమించేందుకు ప్రభుత్వానికి ప్రతిపాదనలు(లేఖ) పంపాలని రాష్ట్ర వైద్య విధాన పరిషత్ కమీషనర్ డాక్టర్ అజయ్ కుమార్ ని ఎమ్మెల్యే అబ్రహం కోరారు. మంగళవారం హైదరాబాద్ లో ఆయనతో సమావేశమయ్యారు. అదేవిధంగా అలంపూర్ కమ్యూనిటీ హెల్త్ సెంటర్ లో డెంటిస్ట్, ఆర్థోపెడిక్ సర్జన్ డాక్టర్ ను నియమించాలని కోరారు.