'హర్ష'తి రేకాల మధ్య నామినేషన్ దాఖలు
దిశ, కొల్లాపూర్ : భారీగా తరలివచ్చిన జనం, బీఆర్ఎస్ శ్రేణుల మధ్య కొల్లాపూర్ అసెంబ్లీ స్థానానికి అధికార బీఆర్ఎస్ ఎమ్మెల్యే అభ్యర్థిగా హర్షవర్ధన్ రెడ్డి శుక్రవారం నామినేషన్ దాఖలు చేశారు. నామినేషన్ దాఖలుకు ముహూర్తం బాగుండడంతో నియోజకవర్గంలోని ఆయా మండలాల నుండి నాయకులు, కార్యకర్తలు తరలిరాగ హర్షవర్ధన్ రెడ్డి ఇంటి దైవానికి ప్రత్యేక పూజలు చేసి ఎంపీ రాములు, ఎమ్మెల్సీ చల్లా వెంకటరామిరెడ్డి, సింగిల్ విండో చైర్మన్ విష్ణువర్ధన్ రెడ్డి, యువ నాయకుడు అభిలాష రావు తదితరులతో కలిసి వెళ్లి హర్షవర్ధన్ రెడ్డి నామినేషన్ దాఖలు చేశారు.
కాగా హర్షవర్ధన్ రెడ్డి నామినేషన్ తో కొల్లాపూర్ పట్టణం గులాబీ మయం అయింది. ఈ సందర్భంగా హర్షవర్ధన్ రెడ్డి మీడియాతో మాట్లాడుతూ రాష్ట్రముఖ్యమంత్రి కేసీఆర్ సహకారంతో నియోజకవర్గాన్ని అన్నివిధాల అభివృద్ధి చేశానన్నారు. ప్రతిపక్ష పార్టీలకు చెప్పే మాటలను నమ్మి మోసపోకుండా మరొకసారి అవకాశం ఇవ్వండని కోరారు. నియోజకవర్గాన్ని పూర్తిస్థాయిలో అభివృద్ధి చేసేందుకు అన్ని రకాల చర్యలు తీసుకుంటానని హామీ ఇచ్చారు.
