కాంగ్రెస్ మేనిఫెస్టో ప్రజల్లోకి తీసుకెళ్లండి : సూర్య విక్రమాదిత్య

దిశ, మధిర : కాంగ్రెస్ పార్టీ ప్రవేశపెట్టిన మేనిఫెస్టోను ప్రజల్లోకి తీసుకెళ్లాలని మల్లు భట్టి విక్రమార్క కుమారుడు సూర్య విక్రమాదిత్య అన్నారు. శుక్రవారం మండల కేంద్రములోని కాంగ్రెస్ పార్టీ కార్యాలయంలో మధిర నియోజకవర్గం యువజన కాంగ్రెస్ నాయకుల సమావేశంలో సూర్య విక్రమాదిత్య ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ రాబోయే ఎన్నికల్లో భట్టి విక్రమార్క అఖండ మెజారిటీతో గెలిచేందుకు గ్రామగ్రామాన యూత్ కాంగ్రెస్ నాయకులు ఆరు గ్యారంటీ పథకాలను, కాంగ్రెస్ పార్టీ మేనిఫెస్టోను ప్రజల్లోకి బలంగా తీసుకువెళ్లాలని సూచించారు.

రానున్న 40 రోజులు కాంగ్రెస్ పార్టీ కోసం యూత్ కాంగ్రెస్ గట్టిగా పని చేయాలని అన్నారు. తెలంగాణ రాష్ట్రంలో కాంగ్రెస్ ప్రభుత్వం ఏర్పడిన వెంటనే నిరుద్యోగులకు, యువతకు అధిక ప్రాధాన్యం ఇచ్చే విధంగా కాంగ్రెస్ పార్టీ పని చేస్తుందన్నారు. ఈ కార్యక్రమంలో మధిర నియోజకవర్గ యువజన కాంగ్రెస్ అధ్యక్షుడు తూమాటి నవీన్ రెడ్డి, మధిర మండల యువజన కాంగ్రెస్ అధ్యక్షుడు అద్దంకి రవికుమార్, బోనకల్ మండల యువజన అధ్యక్షుడు బద్రునాయక్, చింతకాని మండల అధ్యక్షుడు బందెల నాగార్జున, నియోజకవర్గ యువజన కాంగ్రెస్ నాయకులు, మధిర మండల గ్రామ శాఖ అధ్యక్షులు, నాయకులు, కార్యకర్తలు పాల్గొన్నారు.