బీఆర్ఎస్ నేతలపై కర్నాటక సీఎం సిద్ధరామయ్య ఫైర్

దిశ, వెబ్‌డెస్క్: కర్నాటకలో కాంగ్రెస్ ఐదు గ్యారెంటీలు అమలు కావడం లేదన్న బీఆర్ఎస్ నేతల వ్యాఖ్యలకు ఆ రాష్ట్ర సీఎం సిద్ధరామయ్య కౌంటర్ ఇచ్చారు. అసెంబ్లీ ఎన్నికల ప్రచారంలో భాగంగా ఆదివారం సిద్ధరామయ్య తెలంగాణకు వచ్చారు. ఈ సందర్భంగా ఆయన గాంధీభవన్‌లో మీడియాతో మాట్లాడుతూ.. కర్నాటకలో ప్రజలకు ఇచ్చిన హామీలు నెరవేరుస్తున్నాం.. కర్నాటకలో కాంగ్రెస్ ఐదు గ్యారెంటీలు అమలు కావడం లేదని బీఆర్ఎస్ నేతలు తప్పుడు ప్రచారం చేస్తున్నారని మండిపడ్డారు. కర్నాటకలో మహిళలు ఎంతో ఆనందంగా ఉన్నారని అన్నారు. కావాలంటే బీఆర్ఎస్ నేతలు కర్నాటకకు వచ్చిన ఐదు గ్యారెంటీలు అమలు అవుతున్నాయో లేదో చూడొచ్చన్నారు.