ఘనంగా సీఎం కేసీఆర్ జన్మదిన వేడుకలు

దిశ, వెల్గటూర్: వెల్లటూరు, ఎండపల్లి మండలాల్లో సీఎం కేసీఆర్ జన్మదిన వేడుకలను కార్యకర్తలు, అభిమానులు, నాయకులు ఘనంగా జరుపుకున్నారు. వెల్గటూరు మండల కేంద్రంలో నిర్వహించిన జన్మదిన వేడుకల్లో సంక్షేమ శాఖ మంత్రి కొప్పుల ఈశ్వర్ పాల్గొని కేక్ కట్ చేసి సీఎంకు శుభాకాంక్షలు తెలిపారు. ఎండపల్లి మండల కేంద్రంలో కార్యకర్తలతో కలిసి సింహాచలం జగన్ కేక్ కట్ చేసి శుభాకాంక్షలు తెలిపారు. బీఆర్ఎస్ నాయకులు, కార్యకర్తలు గురుకుల పాఠశాలలో విద్యార్థులతో కలిసి కేక్ కట్ చేసి, పండ్లు పంపిణీ చేశారు. కొందరు ఆలయాల్లో పూజలు చేయగా మరికొందరు స్వీట్లు పండ్లు పంపిణీ చేసి సీఎం కేసీఆర్ నిండు నూరేళ్లు ఆయురారోగ్యాలతో జీవించాలని దేవుణ్ణి కోరుకున్నారు. ఈ కార్యక్రమంలో చల్లూరి రామచంద్రం జూపాక కుమార్, ఏఎంసీ చైర్మన్ పత్తిపాక వెంకటేష్, సింగిల్ విండో అధ్యక్షులు గూడ రాంరెడ్డి, సర్పంచ్ లు మారం జలంధర్ రెడ్డి, పల్లె అశోక్, గంధం లక్ష్మీనారాయణ, బొడ్డు రామస్వామి, పెద్దూరి భరత్, రంగు తిరుపతి, గుండ జగదీశ్వర్ తదితరులు ఉన్నారు.