ఆటో ట్రాలీ బోల్తా.. 12 మంది భక్తులకు గాయాలు

దిశ, వెబ్ డెస్క్: ఆటో ట్రాలీ బోల్తా పడి 12 మంది అంజన్న భక్తులకు గాయాలైన ఘటన జగిత్యాల జిల్లా కొండగట్టులో జరిగింది. మందమర్రికి చెందిన 12 మంది భక్తులు ఆటో ట్రాలీలో కొండగట్టు వెళ్లారు. కొండపైకి వెళ్లి అంజన్న దర్శించుకున్నారు. భక్తి శ్రద్ధలతో స్వామి వారికి ప్రత్యేక పూజలు నిర్వహించారు. కోరికలు కోరుకుని మళ్లీ వస్తామని అక్కడి నుంచి బయల్దేరారు. అయితే కొండ దిగుతున్న సమయంలో ప్రమాదం జరిగింది. ఆటో ట్రాలీ అదుపు తప్పి బోల్తా పడింది. అయితే ప్రాణ నష్టం తప్పింది కానీ, 12 మంది భక్తులకు గాయాలయ్యారు. దీంతో వారిని స్థానిక పోలీసులు జగిత్యాల ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు.