Inter Caste Incentive Scheme: ఇంటర్ క్యాస్ట్ మ్యారేజ్ చేసుకున్న వారికి ప్రభుత్వం రూ. 2.50లక్షల ఆర్థిక సాయం.. అప్లై చేసుకోండిలా..!

దిశ,వెబ్‌డెస్క్: తెలంగాణ ప్రభుత్వం(TG Govt) కులాంతర వివాహాలను ప్రోత్సహించడానికి 'ఇంటర్​ క్యాస్ట్​ ఇన్సెంటివ్​ స్కీమ్(Intercaste Incentive Scheme)'​ను అమలు చేస్తోన్న విషయం తెలిసిందే. ఈ పథకం కింద కులాంతర వివాహం చేసుకున్న వారికి ప్రభుత్వం రూ. 2.50లక్షల ఆర్థిక సాయాన్ని అందజేస్తోంది. పెళ్లైన వధూవరులు తెలంగాణ ఈపాస్‌ వెబ్‌సైట్‌ https://telanganaepass.cgg.gov.in/ ద్వారా ఆన్‌లైన్‌లో దరఖాస్తు చేసుకోవాల్సి ఉంటుంది అయితే ఈ పథకానికి అర్హతలు ఏంటి? అప్లై చేయడానికి కావాల్సిన డాక్యుమెంట్స్ ఏంటి? అనే వివరాలను ఇప్పుడు తెలుసుకుందాం..

అర్హతలు:

• వధూవరులు తెలంగాణ వాసులై ఉండాలి.
• అబ్బాయిలకు 21 ఏళ్లు, అమ్మాయిలకు 18 ఏళ్లు పూర్తై ఉండాలి.
• వధూవరులలో ఒకరు కచ్చితంగా షెడ్యూల్డ్​ కులానికి(SC) చెందిన వారై ఉండాలి.
• అమ్మాయి/అబ్బాయి తొలి వివాహానికి మాత్రమే ఈ స్కీం వర్తిస్తుంది.
• పెళ్లైన ఏడాది లోపే ఈ పథకానికి అప్లై చేసుకోవాలి.
• 2019, అక్టోబర్​ 30 తర్వాత కులాంతర వివాహం చేసుకున్న వారికి మాత్రమే రూ. 2.5 లక్షల ఆర్థిక సాయం అందుతుంది.

కావాల్సిన డాక్యుమెంట్స్..

• అమ్మాయి, అబ్బాయి ఆధార్‌ కార్డు అలాగే జాయింట్ బ్యాంక్ అకౌంట్
• వధూవరుల క్యాస్ట్, ఇన్ కమ్ సర్టిఫికెట్స్
• మ్యారేజ్ రిజిస్ట్రేషన్ సర్టిఫికెట్, మ్యారేజ్ ఫోటోస్
• పర్మినెంట్&టెంపరరీ అడ్రస్ ప్రూఫ్
• పాస్ పోర్ట్ సైజు ఫోటోస్, ఇద్దరు సాక్షుల ఆధార్​ కార్డ్​లు