ఆశీర్వదించండి...అభివృద్ధి చేస్తా..

దిశ, చందానగర్ : శేరిలింగంపల్లి నియోజకవర్గాన్ని 9వేల కోట్లతో అభివృద్ధి చేశామని మరోసారి గెలిపిస్తే మరింత అభివృద్ధికి బాటలు వేస్తానని ఎమ్మెల్యే అరెక పూడి గాంధీ అన్నారు. శుక్రవారం ఎన్నికల ప్రచారంలో భాగంగా చందానగర్ డివిజన్ పరిధిలోని శంకర్ నగర్ లో సిద్ధివినాయక దేవాలయంలో కార్పొరేటర్ మంజుల రఘునాథ్ రెడ్డి, బీఆర్ఎస్ పార్టీ శ్రేణులతో కలిసి ఆయన ప్రత్యేక పూజలు చేసి ఇంటింటి ప్రచారం నిర్వహించారు. ఈ సందర్భంగా ప్రభుత్వ విప్ గాంధీ మాట్లాడుతూ.. ఈ సందర్భంగా తొమ్మిది ఏండ్లలో చేసిన అభివృద్ధి ,సంక్షేమ పథకాలను ప్రజలకు వివరించి కారు గుర్తుకు ఓటు వేయాలని కోరారు. గతంలో కంటే అత్యధిక భారీ మెజారిటీతో విజయం సాధించడం ఖాయమని అన్నారు.

కార్పొరేటర్ ఉప్పలపాటి శ్రీకాంత్ ఇంటింటి ప్రచారం

మియాపూర్ డివిజన్ పరిధిలోని ఆర్ టవర్స్, ఎస్ఆర్ ఎస్టేట్స్, వీడియో కాలనీ , ఎఫ్ సీఐ కాలనీ, అమన్ కాలనీ, చిరంజీవి కాలనీలలో ఆరెకపూడి గాంధీ కి మద్దతుగా కార్పొరేటర్ ఉప్పలపాటి శ్రీకాంత్ ఇంటింటి ప్రచారం నిర్వహించారు. అభివృద్ధిని వివరిస్తూ కారు గుర్తుకు ఓటు వేయాలని కోరారు.