కారు దిగిన బండి

దిశ, శేరిలింగంపల్లి : కాంగ్రెస్ పార్టీలోకి వలసల పరంపర కొనసాగుతూనే ఉంది. ఇప్పటికే ఆయా పార్టీలకు చెందిన పలువురు నాయకులు హస్తం కండువా కప్పుకుంటున్నారు. ఇదే క్రమంలో బీఆర్ఎస్ ముఖ్యనాయకుడు, ఆ పార్టీ ప్రధాన కార్యదర్శి బండి రమేష్ కారు దిగి హస్తం గూటికి చేరారు. జగిత్యాల పర్యటనలో ఉన్న కాంగ్రెస్ నాయకుడు రాహుల్ గాంధీ సమక్షంలో రమేష్ కాంగ్రెస్ లో చేరారు. ఆయనకు రాహుల్ గాంధీ పార్టీ కండువా కప్పి ఆహ్వానించారు.

బీఆర్ఎస్ పార్టీలో కీలక వ్యక్తి అయిన బండి రమేష్ కాంగ్రెస్ లో చేరడంతో రాజకీయ పరిణామాలు మారనున్నాయి. ఆయన రాకతో కాంగ్రెస్ పార్టీకి కలిసి వస్తుందన్న అభిప్రాయం వ్యక్తం అవుతుంది. అయితే బండి రమేష్ శేరిలింగంపల్లి నియోజకవర్గం నుంచి పోటీ చేస్తారా, లేదా కూకట్ పల్లి నుంచి బరిలోకి దిగుతారా అన్నదాని పై రాష్ట్ర కాంగ్రెస్ నాయకత్వం ఇంకా క్లారిటీ ఇవ్వలేదు. బీఆర్ఎస్ నుంచి శేరిలింగంపల్లి టికెట్ ఆశించిన బండి సిట్టింగ్ లకే మరోసారి సీట్లు అనడంతో కొద్ది కాలంగా మౌనంగా ఉన్న ఆయన శుక్రవారం కాంగ్రెస్ తీర్థం పుచ్చుకున్నారు.