HYD : పలు ప్రాంతాల్లో భారీ వర్షం

దిశ, వెబ్‌డెస్క్: హైదరాబాద్ లో శుక్రవారం ఉదయం పలుచోట్ల భారీ వర్షం కురిసింది. అమీర్ పేట, పంజాగుట్ట, బంజారాహిల్స్, జూబ్లీహిల్స్, లక్డీకాపూల్, ఖైరతాబాద్ లో వర్షం పడుతోంది. లోతట్టు ప్రాంతాలు జలమయమయ్యాయి. నిన్నటి నుంచి హైదరాబాద్‌లో వాతావరణం ఒక్కసారిగా చల్లబడింది. గురువారం మధ్యాహ్నం వరకు ఎండ తీవ్రత ఎక్కవగా ఉండగా.. సాయంత్రానికి మేఘాలు కమ్ముకున్నాయి. నిన్న సాయంత్రం హైదరాబాద్‌లో ఈదురుగాలులతో భారీ వర్షం కురిసింది. ఉప్పల్, ఎల్బీనగర్, దిల్‌సుఖ్ నగర్, మలక్ పేట, చార్మినార్, సైదాబాద్, అత్తాపూర్, జూబ్లీచెక్ పోస్ట్, మాదాపూర్ తదితర ప్రాంతాల్లో వర్షం పడింది.