భారీ మందుపాతర లభ్యం.. నిర్వీర్యం చేసిన బాంబ్​డిస్పోజల్​స్క్వాడ్​

దిశ తెలంగాణ క్రైం బ్యూరో : పోలీసులను లక్ష్యంగా చేసి ఏర్పాటు చేసిన భారీ మందుపాతరను బీజాపూర్​పోలీసులు బుధవారం నిర్వీర్యం చేశారు. దీనిని కనుక్కోక పోయి ఉన్నట్టయితే మావోయిస్టుల పథకం ఫలించి రక్తపాతం జరిగి ఉండేదని జిల్లా పోలీసు అధికారులు పేర్కొన్నారు. ఆవపల్లి–బసాగుడ్​రోడ్డులో బుధవారం స్థానిక పోలీసులు, బాంబ్​డిస్పోజల్​స్క్వాడ్​సిబ్బంది తనిఖీలు చేస్తుండగా ఓ చోట రోడ్డు కింద మందుపాతర ఉన్నట్టుగా బయటపడింది. దాంతో పోలీసులు అక్కడ తవ్వి చూడగా ఎనిమిది అడుగుల పొడవు, అయిదు అడుగుల వెడల్పు గొయ్యి తవ్వి ఇరవై అయిదు కిలోలకు పైగా పేలుడు పదార్థాలను ఉపయోగించి తయారు చేసి ప్లాస్టిక్​కంటెయినర్లలో పెట్టిన ఐఈడీ బాంబులు బయటపడ్డాయి. వెంటనే బాంబ్​డిస్పోజల్​స్క్వాడ్​సిబ్బంది వీటిని నిర్వీర్యం చేశారు. మందుపాతరను సకాలంలో కనుక్కోవటం వల్ల పోలీసులను చంపాలన్న మావోయిస్టుల కుట్రను విచ్ఛిన్నం చేసినట్టు బీజాపూర్​జిల్లా పోలీసు అధికారులు పేర్కొన్నారు.