‘గృహ జ్యోతి’కి రూ.180 కోట్లు.. ఉత్తర్వులు జారీ చేసిన సర్కార్

తెలంగాణ బ్యూరో: ప్రభుత్వం ప్రతిష్టాత్మకంగా అమలు చేస్తున్న గృహ జ్యోతి పథకానికి నవంబర్ నెలకు గాను విద్యుత్ సబ్సీడి వ్యయాన్ని తీర్చేందుకు రూ.180.62 కోట్లను విడుదల చేస్తు ప్రభుత్వం శనివారం ఉత్తర్వులు జారీ చేసింది. ఈ మొత్తాన్ని టీజీ డిస్కంలకు అందించనున్నారు. గృహా అవసరాలకు నెలకు 200 యూనిట్ల వరకు ఉచిత విద్యుత్‌ను ప్రభుత్వం అందిస్తుంది. నవంబర్ నెలకు సంబంధించి గృహాలకు నెలకు 200 యూనిట్ల “0” బిల్లులను ఇప్పటికే అధికారులు జారీ చేశారు. ఈ పథకానికి రాష్ట్ర వ్యాప్తంగా దాదాపుగా 50 లక్షల మంది గృహ వినియోగదారులు ఈ పథకం ద్వారా లబ్ధిపొందుతున్నారు. వీరికి ఇప్పటి వరకు 1200 కోట్ల మేర విద్యుత్ బిల్లుల ద్వారా రాయితీ లభించింది.