కాంగ్రెస్‌లో చేరిన డైరెక్టర్ రామ్ గోపాల్ వర్మ స్నేహితుడు.. పోస్ట్ వైరల్
దిశ, వెబ్‌డెస్క్: ఎన్నికల వేళ వరుస చేరికలతో కాంగ్రెస్‌ కేడర్‌లో జోష్ నెలకొంది. మాజీ మంత్రులు, ఎంపీలు, ఎమ్మెల్యేలు చేరుతుండటంతో పార్లమెంట్ ఎన్నికల్లో మెజార్టీ సీట్లు గెలుచుకుంటామన్న ధీమా అందరిలోనూ ఏర్పడుతోంది. జిల్లాల్లోనే కాకుండా గ్రేటర్ హైదరాబాద్‌లోనూ ఇటీవల చేరికలు పెరిగిపోయాయి. మేయర్‌తో పాటు పలువురు కార్పొరేటర్లు కూడా హస్తం తీర్థం పుచ్చుకున్నారు.
ఈ క్రమంలోనే ప్రముఖ సంచలన దర్శకుడు రామ్ గోపాల్ వర్మ స్నేహితుడు కూడా కాంగ్రెస్‌లో చేరారు. గురువారం ముఖ్యమంత్రి రేవంత్ రెడ్డి సమక్షంలో లింగాల ఘనపూర్ జెడ్పీటీసీ గుడి వంశీధర్ రెడ్డి హస్తం తీర్థం పుచ్చుకున్నారు. ఈ విషయాన్ని దర్శకుడు రామ్ గోపాల్ వర్మ సోషల్ మీడియా(ఇన్‌స్టాగ్రామ్) వేదికగా తెలియజేశారు. ‘నా మిత్రుడు వంశీధర్ రెడ్డి.. నా మిత్రుడైన సీఎం రేవంత్ రెడ్డి సమక్షంలో కాంగ్రెస్‌లో చేరడం సంతోషం’ అని ఇన్‌స్టాలో పేర్కొన్నారు.
