బెంగాల్ టైగర్‌తో డిప్యూటీ CM పవన్ కల్యాణ్ (PHOTO)
దిశ, వెబ్‌డెస్క్: ఆంధ్రప్రదేశ్ డిప్యూటీ సీఎం, పవర్ స్టార్ పవన్ కల్యాణ్ ఇటీవల ప్రముఖ సోషల్ మీడియా ప్లాట్‌ఫామ్ అయిన ఇన్‌స్టాగ్రామ్‌లో ఖాతా తెరిచిన విషయం తెలిసిందే. అకౌంట్ ఓపెన్ చేసిన నిమిషాల్లో లక్షల్లో ఆయన్ను ఫాలో అయ్యారు. అంతేకాదు.. ఇన్‌స్టాలో అనేక ఎన్నో రికార్డులు క్రియేట్ చేశారు. అత్యధిక లైక్స్, అత్యధిక కామెంట్స్, అతి తక్కువ సమయంలోనే 1 మిలియన్ ఫాలోవర్స్ వంటి అనేక రికార్డులు క్రియేట్ చేశారు. ఇప్పటివరకు 15 పోస్టులు పెట్టిన ఆయన.. ప్రతీ పోస్టుకు మిలియన్లలో లైక్స్ సాధించారు. తాజాగా.. తన సోదరుడు మెగాస్టార్ చిరంజీవి పుట్టినరోజు సందర్భంగా మరో ఆసక్తికర పోస్టు పెట్టారు.
బాల్యంలో తన సోదరితో బెంగాల్ టైగర్‌ల మధ్య పొట్టి నిక్కర్‌లో నిల్చున్న ఉన్న ఫొటోను పవన్ ఇన్‌స్టా వేదికగా పంచుకున్నారు. పులితో కొమురం పులి అంటూ ఇక ఫ్యాన్స్ కామెంట్లతో రెచ్చిపోతున్నారు. కాగా, ప్రస్తుతం పవన్ కల్యాణ్ మూడు ప్రతిష్టాత్మక చిత్రాల్లో నటిస్తున్నారు. క్రిష్ జాగర్లమూడి దర్శకత్వంలో తెరకెక్కుతోన్న హరిహర వీరమల్లులో నటిస్తున్నారు. దీనిని భారీ చిత్రాల నిర్మాత ఏఎమ్ రత్నం తెరకెక్కిస్తున్నారు. యువ దర్శకుడు సుజిత్‌తో ఓజీ సినిమా చేస్తున్నారు. దీనిని డీవీవీ దానయ్య నిర్మిస్తున్నారు. ఇక పవన్ కల్యాణ్‌కు కెరీర్‌లోనే బ్లాక్ బస్టర్ చిత్రాన్ని అందించిన హరీష్ శంకర్‌తో ఉస్తాద్ భగత్ సింగ్ అనే చిత్రంలో పవన్ నటిస్తున్నారు. దీనిని మైత్రీ మూవీ మేకర్స్ నిర్మిస్తున్నారు. ఈ మూడు చిత్రాల షూటింగ్స్ పెండింగ్‌లో ఉండటంతో అన్నీ 2025లోనే విడుదలయ్యే అవకాశాలు కనిపిస్తున్నాయి.
