బీజేపీలో చేరితే పునీతులు లేకపోతే దుర్మార్గులా?: CPI

దిశ, డైనమిక్ బ్యూరో: బీజేపీ ప్రభుత్వం ఈడీ, సీబీఐలను వేటకుక్కల్లా వాడుకుంటోందని సీపీఐ రాష్ట్ర కార్యదర్శి కూనంనేని సాంబశివరావు ధ్వజమెత్తారు. ఇప్పటివరకు తొమ్మిది రాష్ట్రాల్లో ప్రభుత్వాలను కూల్చిన బీజేపీ.. ఢిల్లీ, తెలంగాణ ప్రభుత్వాలను కూల్చేందుకు ప్రయత్నాలు చేస్తోందని సంచలన ఆరోపణలు చేశారు. బీజేపీలో చేరితే పునీతులు, లేకపోతే దుర్మార్గులు అన్నట్లుగా చిత్రీకరిస్తున్నారని మండిపడ్డారు. ఆదివారం మీడియాతో మాట్లాడిన ఆయన ప్రతిపక్ష పార్టీల ప్రభుత్వాలు ఉన్న చోట్ల కేంద్రం కక్ష్యపూరితంగా వ్యవహరిస్తోందని ఆరోపించారు. గతంలో ఏనాడు లేని విధంగా ప్రస్తుతం దేశ రాజకీయాల్లో అరాచకం తాండవిస్తోందన్నారు.