CM Revanth Reddy: తొలి ఏకాదశి రోజున సీఎంవో స్పెషల్ ట్వీట్.. రైతు రుణమాఫీపై రేవంత్ కీలక వ్యాఖ్యలు

దిశ, వెబ్‌డెస్క్: రాష్ట్ర వ్యాప్తంగా రైతుభరోసా నిధులు గురువారం విడుదల కాబోతున్నాయి. ఇవాళ తొలి ఏకాదశి పర్వదినం సందర్భంగా రాష్ట్ర ప్రజలకు సీఎం రేవంత్‌రెడ్డి శుభాకాంక్షలను తెలియజేశారు. ‘ఆషాఢ మాసంలో పవిత్రమైన తొలి ఏకాదశిని అత్యంత భక్తిశ్రద్ధలతో జరుపుకోవాలని ఆకాంక్షించారు. రాష్ట్ర ప్రజల జీవితాల్లో సుఖ సంతోషాలు, సకల శుభాలు కలిగించాలని ప్రార్థించారు. ఇచ్చిన మాట ప్రకారం రూ.2 లక్షల రైతుల రుణమాఫీకి ప్రభుత్వం తీసుకున్న నిర్ణయంతో రైతు కుటుంబాలు రుణ విముక్తి పొందాలని, ఏకాదశి పండుగను ప్రతి ఇంటా అంబరాన్ని అంటేలా జరుపుకోవాలని సీఎం రేవంత్‌రెడ్డి తన సందేశంలో తెలిపారు.