Air India: ఎయిర్ ఇండియా కీలక నిర్ణయం.. న్యూఢిల్లీ టూ న్యూయార్క్ మధ్య కొత్త ఎయిర్‌బస్ విమానం ప్రారంభం..!
దిశ, వెబ్ డెస్క్: అమెరికా(USA)కు రెగ్యులర్(Regular)గా ట్రావెల్ చేసే ప్రయాణికులకు టాటా గ్రూప్(TATA Group)కు చెందిన విమానయాన సంస్థ ఎయిర్ ఇండియా(Air India) గుడ్ న్యూస్ చెప్పింది. న్యూఢిల్లీ టూ న్యూయార్క్(New Delhi to New York) మధ్య కొత్తగా మరో ఎయిర్ బస్ ఏ350-900(Airbus A350-900) విమాన సర్వీసును అందుబాటులోకి తీసుకొచ్చినట్లు శుక్రవారం తెలిపింది. ఈ విమానాన్ని డిసెంబర్ రెండో తేదీ నుంచి ప్రారంభిస్తున్నట్లు సంస్థ పేర్కొంది. ఈ ఫ్లైట్ న్యూఢిల్లీలోని ఇందిరా గాంధీ అంతర్జాతీయ విమానాశ్రయం(Indira Gandhi International Airport) నుండి న్యూయార్క్ లోని లిబర్టీ అంతర్జాతీయ విమానాశ్రయం(Liberty International Airport)కు వారానికి ఐదు సార్లు ప్రయాణికులకు అందుబాటులో ఉంటుందని ఎయిర్ ఇండియా ఎండీ అండ్ చీఫ్ ఎగ్జిక్యూటివ్ ఆఫీసర్(MD&CEO) క్యాంప్ బెల్ విల్సన్(Campbell Wilson) తెలిపారు. కాగా ప్రస్తుతం ఎయిర్ ఇండియా వద్ద ఆరు ఎయిర్ బస్ ఏ350-900 విమానాలు ఉన్నాయి. ఇందులో ఎక్కువ శాతం విమానాలను అమెరికాలోని ప్రధాన నగరాలకు నడుపుతోంది. కాగా ఆ సంస్థ ఇటీవలే ఈ నెల 15 నుంచి డిసెంబర్ 31 వరకు 60 విమాన సర్వీసులను తాత్కాలికంగా రద్దు చేసినట్లు ప్రకటించిన విషయం తెలిసిందే. మెయింటెనెన్స్, సప్లయ్ చెయిన్ వంటి సమస్యల కారణంగా వీటిని క్యాన్సల్ చేస్తున్నట్లు తెలిపింది.
