BGT: పెర్త్ టెస్టులో టీమిండియా ఘన విజయం
దిశ, వెబ్‌డెస్క్: పెర్త్ టెస్టు(Perth Test)లో టీమిండియా(Team India) ఘన విజయం సాధించింది. 295 పరుగుల భారీ తేడాతో గెలుపొందింది. భారత బౌలర్ల ధాటికి ఆస్ట్రేలియా(Australia) బ్యాటర్లు చేతులెల్తేశారు. ఇంకా ఒకరోజు సమయం ఉండగానే విజయం సాధించారు. దీంతో ఐదు టెస్టు మ్యాచ్‌ల సిరీస్‌లో ప్రస్తుతం టీమిండియా 1-0 ఆధిక్యంలో ఉంది. ఈ మ్యాచ్‌ సెకండ్ ఇన్నింగ్స్‌లో టీమిండియా బ్యాటర్లు సత్తా చూపించారు. ఓపెనర్ యశస్వి జైస్వాల్(161), కేఎల్ రాహుల్(77), విరాట్ కోహ్లీ(100), నితీష్ కుమార్ రెడ్డి(38), వాషింగ్టన్ సుందర్(29), ఫడిక్కల్(25) పరుగులు చేసి ఆసిస్ ఎదుట 528 పరుగుల భారీ లక్ష్యాన్ని పెట్టారు. లక్ష్య చేధనలో బ్యాటింగ్‌కు వచ్చిన ఆసిస్ బ్యాటర్లలో ట్రావిస్ హెడ్(89), మిచెల్ మార్ష్(47), ఆలెక్స్ క్యారీ(36) తప్ప ఎవరూ రాణించలేదు. 238 పరుగులకే కుప్పకూలారు. దీంతో భారత్‌కు విజయం ఖాతాలో పడింది.
