Police : గ్రూప్ 3 విదార్థినికి సీఐ సహాయం..ప్రశంసల వెల్లువ
దిశ, వెబ్ డెస్క్ : నిత్యం విధి నిర్వాహణలో కాఠిన్యంగా వ్యవహరించే ఖాకీలు(పోలీసులు) యూనిఫామ్ ఇగోను దాటి అందించే సేవలు తరుచూ ప్రశంసలందుకుంటుంటాయి. ఇప్పుడు గ్రూప్ 3 (Group3) పరీక్షల సందర్భంగా జీడిమెట్ల సీఐ(Jedimetla CI)చూపిన మానవతా సహాయం అందరి అభినందనలు(Appreciations)అందుకుంటుంది. ఇందుకు సంబంధించిన వీడియో సోషల్ మీడియాలో వైరల్ గా మారింది. పరీక్ష కేంద్రం గుర్తింపులో పొరబడిన గ్రూప్ 3 విద్యార్థినికి పోలీస్ సర్కిల్ ఇన్ స్పెక్టర్ నుండి అందిన సహాయం ఆ విద్యార్థినిని సకాలంలో పరీక్షకు హాజరయ్యేలా చేసింది. ఆదివారం జరిగిన గ్రూప్ 3 పరీక్ష రాసేందుకు ఓ విద్యార్థిని జీడిమెట్లలోని గౌతమి కాలేజీ పరీక్ష కేంద్రానికి వచ్చింది.
అయితే తన పరీక్ష కేంద్రం బాలానగర్ లోని గీతాంజలి కళాశాల అని తెలుసుకున్న ఆ విద్యార్థిని ఖంగుతింది. పరీక్ష సమయానికి అక్కడికి చేరుకునేదెట్లా అని తీవ్రంగా ఆవేదన చెందుతోంది. అక్కడే ఉన్న జీడిమెట్ల ట్రాఫిక్ సీఐ ఆ విద్యార్థిని పరిస్థితిని అర్థం చేసుకుని మానవతా సహాయంతో ఆమెను తమ పోలీస్ వాహనంలో తీసుకెళ్లి సమయానికి పరీక్ష కేంద్రానికి చేర్చారు. ఇందుకు సంబంధించిన వీడియో వైరల్ కాగా ..ఇది కదా ఫ్రెండ్లీ పోలీస్ అంటూ పోలీసులు చేసిన సహాయానికి అభినందనలు కురిపిస్తున్నారు.
