సీఎం రేవంత్ రెడ్డిని కలిసిన బాక్సర్ విజేందర్.. ఆ అగ్రనేత కూడా..!
దిశ, డైనమిక్ బ్యూరో: ప్రముఖ ప్రొఫెషనల్ బాక్సర్, ఒలింపిక్ గోల్డ్ మెడలిస్ట్ విజేందర్ సింగ్ తాజాగా తెలంగాణ ముఖ్యమంత్రి రేవంత్ రెడ్డిని కలిశారు. ఈ క్రమంలోనే సీఎం రేవంత్ రెడ్డి ఇవాళ ట్విట్టర్ వేదికగా పోస్ట్ చేశారు. తన నివాసంలో బాక్సర్ విజేందర్, ఏఐసీసీ సెక్రటరీ రోహిత్ చౌదరీ మర్యాదపూర్వకంగా కలిశారని సీఎం పేర్కొన్నారు. వారితో మాట్లాడుతున్న ఫోటోలు సోషల్ మీడియాలో షేర్ చేశారు.
కాగా, ప్రొఫెషనల్ బాక్సర్ విజేందర్ ఒలింపిక్ క్రీడలు, ప్రపంచ ఛాంపియన్‌షిప్‌లు, కామన్వెల్త్ గేమ్స్, ఆసియా క్రీడలు, ఆసియా ఛాంపియన్‌షిప్‌లు ఎన్నో సాధించి ఇండియాలో బెస్ట్ బాక్సర్స్ లలో మొదటి వరుసలో ఉంటారు. అయితే బాక్సర్ విజేందర్ కాంగ్రెస్ పార్టీలో 2019లో చేరి.. లోక్ సభ ఎన్నికల్లో సౌత్ ఢిల్లీ స్థానం నుంచి పోటీ చేసి ఓడిపోయిన సంగతి తెలిసిందే. ఇటీవల ఢిల్లీలో లైంగిక వేధింపులపై చేసిన రెజ్లర్స్ ధర్నాలకు విజేందర్ సింగ్ తన మద్దతు తెలిపి కీలక పాత్ర పోషించారు.
