Bandi Sanjay : ఇవాళ ఆంధ్రప్రదేశ్‌కు బండి సంజయ్.. ఎందుకో తెలుసా?
దిశ, తెలంగాణ బ్యూరో: బీజేపీ జాతీయ ప్రధాన కార్యదర్శి, ఎంపీ బండి సంజయ్ ఆంధ్రప్రదేశ్‌కు వెళ్లనున్నారు. బండి సంజయ్‌కి నాలుగు రాష్ట్రాల బాధ్యతలు అప్పగించారు. ఏపీ, మహారాష్ట్ర, ఒడిశా, గోవా స్టేట్స్‌తో పాటు ముంబై సిటీ బాధ్యతలు కూడా ఆయనకు అప్పగించారు. కాగా, ఓటర్ చేతన్ అభియాన్ కార్యక్రమంపై సమీక్ష నిర్వహించేందుకు వెళ్తున్న బండి సోమవారం ఉదయమే విజయవాడకు వెళ్లాల్సి ఉంది. కానీ, హైదరాబాద్ టు గన్నవరం ఫ్లైట్ 3 గంటలు ఆలస్యం కావడంతో 11 గంటలకు శంషాబాద్ నుంచి ఆయన బయలుదేరారు. మధ్యాహ్నం 12 గంటలకు విజయవాడకు చేరుకున్నారు. నేరుగా ఏపీ బీజేపీ రాష్ట్ర కార్యాలయానికి వెళ్లారు. సాయంత్రం 5 గంటల వరకు ఓటర్ చేతన్ అభియాన్ కార్యక్రమంలో పాల్గొని బండి సమీక్షించనున్నారు. ఓటర్ మొబిలైజేషన్‌పై పవర్ పాయింట్ ప్రజెంటేషన్ ఇవ్వనున్నట్లు సమాచారం. ఇవాళ రాత్రి 7 గంటలకు తిరిగి హైదరాబాద్‌కు చేరుకోనున్నారు.
