MyHome Group: మైహోమ్ గ్రూప్‌కు మరో ప్రతిష్టాత్మక అవార్డు
దిశ, వెబ్‌డెస్క్: మైహోమ్ గ్రూపు(MyHome Group)నకు మరో ప్రతిష్టాత్మక అవార్డు లభించింది. తెలంగాణ బెస్ట్ ఎంప్లాయర్ బ్రాండ్‌(Telangana Best Employer Brand) అవార్డును సొంతం చేసుకుంది. బుధవారం హైదరాబాద్‌లోని బేగంపేటలో తెలంగాణ లీడర్‌షిప్‌-2024 అవార్డుల ప్రదానోత్సవ కార్యక్రమం జరిగింది. ఈ కార్యక్రమంలో మైహోమ్ గ్రూపు సొంతం చేసుకున్న ఈ అవార్డును.. ఆ సంస్థ డైరెక్టర్ చంద్రశేఖర్ పాండే, సీనియర్ ప్రెసిడెంట్ విజయ్ వర్ధన్ రావు, సీనియర్ వైస్ ప్రెసిడెంట్ లక్ష్మీనారాయణలు అందుకున్నారు. వరల్డ్ మ్యానుఫాక్చరింగ్ కాంగ్రెస్ ఆధ్వర్యంలో ఈ ప్రతిష్టాత్మక అవార్డు కార్యక్రమం జరిగింది. కాగా, నిర్మాణ రంగంలో మైహోమ్ గ్రూప్‌ తనకంటూ ఓ ప్రత్యేక గుర్తింపును సంపాదించుకుంది. ఇప్పటికే ఆ సంస్థకు పలు అవార్డులు వచ్చాయి. గతంలో ఫెడరేషన్‌ ఆఫ్‌ తెలంగాణ ఆఫ్‌ కామర్స్‌ అండ్‌ ఇండస్ట్రీ (ఎఫ్‌టీసీసీఐ) ప్రకటించిన ఎక్సలెన్సీ అవార్డు దక్కింది.
