Pawan Kalyan : ప్రధానితో పవన్ భేటీ..రెండు తెలుగు రాష్ట్రాల ఎన్డీఏ ఎంపీలకు విందు

దిశ, వెబ్ డెస్క్ : ఏపీ డిప్యూటీ సీఎం పవన్ కల్యాణ్(Pawan Kalyan)ఢిల్లీ పర్యటనలో భాగంగా ప్రధాని మోదీ(Prime Minister Modi) తో భేటీ అయ్యారు. పార్లమెంటు భవనంలోని ప్రధానమంత్రి కార్యాలయంలో పవన్ ప్రధాని మోడీని కలిశారు. మోడీతో సుమారు అరగంట పాటు సమావేశమయ్యారు. ఏపీలో జలజీవన్ మిషన్ అమలు, రాష్ట్రానికి రావాల్సిన నిధులు, కేంద్ర పథకాల పొడిగింపు వంటి కీలక అంశాలతో పాటు తాజా రాజకీయ పరిణామాలపైన వారు చర్చించారు.

అంతకుముందు పవన్ కల్యాణ్ ఏపీలో పలు అభివృద్ధి పనులకు సంబంధించి వరుసగా కేంద్ర మంత్రులతో భేటీలు నిర్వహించి పలు కీలక అభివృద్ధి ప్రాజెక్టుల సాధనలో పురోగతి సాధించారు. పవన్ తన ఢిల్లీ పర్యటనలో భాగంగా ఈ రోజు సాయంత్రం రెండు తెలుగు రాష్ట్రాల ఎన్డీఏ ఎంపీలకు విందు ఇవ్వబోతున్నారు. తాజ్ హోటల్‌లో పవన్ కళ్యాణ్ వారికి విందు ఏర్పాటు చేశారు. ఏపీలోని బీజేపీ, తెలుగుదేశం, జనసేన ఎంపీలతో పాటు తెలంగాణ బీజేపీ ఎంపీలకు పవన్ ఆహ్వానం అందించారు.