మేస్త్రీ పనికి 4 లక్షలకు పైగా జీతం..! యూఎస్ అమెరికన్ కాన్సులేట్ యాడ్
దిశ, డైనమిక్ బ్యూరో: తాపీ మేస్త్రీ కావలెను.. అని యూఎస్ అమెరికన్ కాన్సులేట్ జనరల్ హైదరాబాద్ పేరుతో ఓ ప్రకటన సోషల్ మీడియాలో చక్కర్లు కొడుతోంది. అయితే తాపీ మేస్త్రీ జీతం చూసి నెటిజన్లు అవాక్కు అయిపోతున్నారు. చదువుకున్న వారికి ఇంత జీతం రావడం లేదని నెటిజన్లు కామెంట్స్ చేస్తున్నారు. తాపీ మేస్త్రీ పని చేస్తామని నెటిజన్లు అంటున్నారు.
మేస్త్రీ పనికి 4 లక్షలకు పైగా జీతం..!
తాపీ మేస్త్రీ జీతం, ఇతర ప్రయోజనాలు కలిపి రూ. 4,47,348 + అలెవెన్స్ అని ప్రకటన వేశారు. ఆ ప్రకటనలో యూఎస్ అమెరికన్ కాన్సులేట్ మాసన్ కోసం నియామకాన్ని చూస్తోందని, దరఖాస్తు ప్రక్రియ గురించి వివరాల కోసం తమ వెబ్‌సైట్‌ను సందర్శించాలని రాసిఉంది. ఈ తాపీ మేస్త్రీ ఫుల్ టైం జాబ్ అని, చివరి తేదీ ఫిబ్రవరి 25 వ తేదీ వరకు అని ఉంది.
తాపీ మేస్త్రీలకు డిమాండ్
ఈ యాడ్ పై నెటిజన్లు తమ అభిప్రాయాలు వ్యక్తం చేస్తున్నారు. జాబ్ మానేసి ఈ పనికి వెళ్తానని కామెంట్స్ చేస్తున్నారు. తాపీ మేస్త్రీలకు డిమాండ్ పెరిగిందని నెటిజన్లు తెలిపారు. అయితే ఈ తాపీ మేస్త్రీ జీతం నెలకు కాదని, సంవత్సరానికి అని ఉంది. కానీ ఫిజికల్ గా వర్క్ చేసే వారికి ఫిట్ గా ఉన్నంత వరకే ఆదాయం ఉంటుందని, చదువు కొని జ్ఞానం సంపాదించిన వారికి అనుభవం పెరిగిన కొద్దీ ఆదాయం పెరుగుతుందని నెటిజన్లు అభిప్రాయం వ్యక్తం చేస్తున్నారు.
