తెలంగాణ అభివృద్ధికి కడప బిడ్డలు ఎంత కష్టపడుతున్నారో

దిశ, డైనమిక్ బ్యూరో : వైఎస్సార్టీపీ అధినేత్రి వైఎస్ షర్మిలపై ఐఏఎస్ మాజీ అధికారి ఆకునూరి మురళి ట్విట్టర్ వేదికగా విమర్శలు గుప్పించారు. ఇటీవల ప్రజా ప్రస్థానం యాత్రకు పోలీసులు అనుమతి నిరాకరించడంతో షర్మిల ఆమరణ నిరాహార దీక్ష చేపట్టిన సంగతి తెలిసిందే. ఈ క్రమంలో షర్మిల అనారోగ్యం విషమిస్తుండటంతో పోలీసులు బలవంతంగా అపోలో ఆసుపత్రికి తరలించి చికిత్స అందించారు. దీనికి సంబంధించిన వీడీయోలపై స్పందించిన ఆకునూరి మురళి తీవ్ర స్థాయిలో విమర్శలు గుప్పించారు.

తెలంగాణ అభివృధికి కడప బిడ్డలు ఎంత కష్టపడుతున్నారో అని ఎద్దేవా చేశారు. వీళ్ళ దగ్గర అవినీతి డబ్బే లేదు. వాళ్ల దగ్గర ఉన్నది అంతా కష్టపడి సంపాయించిందే అని సెటైర్లు వేశారు. దాన్ని ఉపయోగించి అధికారంలోకి వచ్చి తెలంగాణలో ఉన్న పేదరికాన్ని నిర్ములించడానికేనా ఈ ప్రయత్నం అంతా ? నిజమే? అని పేర్కొన్నారు. మరోవైపు, పవర్‌లోకి రావడానికి భలే కష్టపడుతున్నారని...వీళ్లకు అధికారం లేకపోతే బతకలేరు అంటూ షర్మిలపై మురళి కామెంట్స్ వేశారు.