శ్రీ జ్ఞాన సరస్వతి అమ్మవారిని దర్శించుకున్న మంత్రి పొంగులేటి..

దిశ, బాసర : బాసర శ్రీ జ్ఞాన సరస్వతి అమ్మవారిని శనివారం రాష్ట్ర రెవెన్యూ, గృహ నిర్మాణ శాఖ మంత్రి శ్రీనివాస్ రెడ్డి దర్శించుకొని ప్రత్యేక పూజలు నిర్వహించారు. ఆలయ అధికారులు పూర్ణకుంభంతో మంత్రికి స్వాగతం పలికి తీర్థ ప్రసాదాలు అందజేశారు. ఈ సందర్భంగా మంత్రి మాట్లాడుతూ కేసీఆర్ ప్రభుత్వం పదేళ్లలో చేయలేని అభివృద్ధి రేవంత్ రెడ్డి ప్రభుత్వం సంవత్సరంలోనే చేసి చూపించిందన్నారు.

దాదాపు యాభై వేల ప్రభుత్వ ఉద్యోగాలు ఇప్పటికే భర్తీ చేశారని, అలాగే ఆలయాలను కూడా ఎక్కడా లేని విధంగా అభివృద్ధి చేసి చూపిస్తామని అన్నారు. ఈ కార్యక్రమంలో స్థానిక తహశీల్దార్ పవన్ చంద్ర బాసర ట్రిపుల్ ఐటీ ఇన్చార్జి వేసి గోవర్ధన్ స్థానిక కాంగ్రెస్ ముఖ్య నాయకులు మమ్మాయి రమేష్, రాందాస్, జంగం రమేష్ తదితరులు పాల్గొన్నారు.