ఓటర్ల జాబితా సవరణ షెడ్యూల్ విడుదల..

దిశ, ఆదిలాబాద్ : లోక్ సభ ఎన్నికల కోసం ఓటర్ల జాబితా సవరణ షెడ్యూల్ ను గురువారం కేంద్ర ఎన్నికల సంఘం విడుదల చేసింది. అయితే ఈ నెల 20 నుంచి 2024 జనవరి 5వ తేదీ వరకు పోలింగ్ కేంద్రాల మార్పులు, ఓటర్ల ఫోటోల మార్పుల కోసం అవకాశం కల్పించింది. ఓటర్ల జాబితాను జనవరి 6న, తుది ఓటర్ల జాబితాను జనవరి 8న ప్రకటించనున్నట్లు తెలిపింది.

జనవరి ఒకటి వరకు 18 ఏళ్లు నిండిన వారు తమ పేరును ఓటర్ జాబితాలో నమోదు చేసుకోవాలని సూచించింది. ఇది ఇలా ఉంటే బుధవారం రాష్ట్ర ఎన్నికల కమిషన్ త్వరలో జనవరి లేదా ఫిబ్రవరిలో మాసంలో పంచాయతీ ఎన్నికలు జరిగే అవకాశము ఉందని, ఈ నేపథ్యంలో రిజర్వేషన్ల విషయమై పూర్తి వివరాలను తమకు అందించాలని అధికారులకు ఆదేశాలు జారీ చేసిన విషయం తెలిసిందే. దీంతో జిల్లా అధికార యంత్రాంగం సైతం వీటి పై దృష్టి సారించినట్లు తెలుస్తోంది.