నా కొడుకు డైలీ ఆ స్టోరీస్ చూసేవాడు: నిందితుడు హరిహర తండ్రి షాకింగ్ కామెంట్స్

దిశ, డైనమిక్ బ్యూరో: నవీన్ హత్య కేసులో నిందితుడు హరిహరకృష్ణ తండ్రి సంచలన వ్యాఖ్యలు చేశారు. ఆదివారం హరిహరకృష్ణ తండ్రి ప్రభాకర్ మీడియాతో మాట్లాడారు. హరిహర రెగ్యులర్‌గా సీఐడీ క్రైమ్ స్టోరీస్ చూసేవాడని తండ్రి ప్రభాకర్ వెల్లడించారు. నవీన్‌ను హత్య చేసిన తర్వాత ఈ నెల 23న హరిహరకృష్ణ తన దగ్గర నేరం అంగీకరించాడని చెప్పారు. హత్య విషయం తెలిశాక పోలీసులకు లొంగిపోవాలని తానే హరికృష్ణకు చెప్పినట్లు వివరించారు.

ఈ కేసులో తన కొడుకుకి చట్టరీత్యా ఏ శిక్ష వేసినే తమకు అంగీకరమేనన్నారు. నవీన్ తల్లిదండ్రుల బాధ తాను అర్ధం చేసుకోగలనని హరిహరకృష్ణ తండ్రి చెప్పారు. ఆ కుటుంబానికి క్షమాపణలు చెబుతున్నానని తెలిపారు. తన కొడుకు ఒక్కడే ఈ నేరం చేసి ఉండడని.. దీని వెనుక ఇంకెవరైనా ఉండొచ్చుననే అనుమానం వ్యక్తం చేశారు. దీనిపై పోలీసులు మరింత విచారణ చేయాలని ప్రభాకర్ కోరారు.