సికింద్రాబాద్ లో కూలిన భారీ వృక్షం.. తప్పిన ప్రాణ నష్టం

దిశ,వెబ్ డెస్క్ : గత రెండు రోజులుగా కురుస్తున్న ఎడతెరిపిలేని వర్షాలకు సికింద్రాబాద్ పరిధిలో ఓ భారీ వృక్షం కూలి పలు వాహనాలు ధ్వంసం అయ్యాయి. అడ్డగుట్టలో రహదారి పక్కనే ఉన్న ఓ పురాతన భారీ వృక్షం అకస్మాత్తుగా కూలి.. చెట్టు కింద నుండి వెళ్తున్న కార్లు, ఆటోలపై పడింది. వెంటనే స్పందించిన స్థానికులు ఆ వాహనాల్లో ప్రయాణిస్తున్న వారిని బయటికి తీసుకు వచ్చారు. చిన్న గాయాలు మినహా ఎలాంటి ప్రాణనష్టం లేకపోవడంతో అందరూ ఊపిరి పీల్చున్నారు. ఘటనా స్థలానికి చేరుకున్న పోలీసులు, జీహెచ్ఎంసీ సిబ్బంది రోడ్డుపై అడ్డంగా పడిపోయిన వృక్షాన్ని తొలగించి ట్రాఫిక్ క్లియర్ చేశారు.