Samsung నుంచి Galaxy A55 5G, A35 5G.. ధర, ఫీచర్స్ ఇవే
దిశ, టెక్నాలజీ: దక్షిణకొరియాకు చెందిన ప్రముఖ స్మార్ట్‌ఫోన్ తయారీ కంపెనీ శామ్‌సంగ్ ఇటీవల Galaxy A55 5G, A35 5G మోడళ్లను ఆవిష్కరించగా, ఇప్పుడు వీటి ధర, ఫీచర్స్ ఇతర వివరాలు ప్రకటించింది. A సరీస్‌లో భాగంగా ఈ మోడళ్లను తీసుకువచ్చారు. వీటికి నాలుగు జనరేషన్ల వరకు ఆండ్రాయిడ్ అప్‌డేట్‌లతో పాటు ఐదేళ్లు సెక్యూరిటీ అప్‌డేట్‌లను అందిస్తామని కంపెనీ పేర్కొంది. ఇవి ఆండ్రాయిడ్ 14 -ఆధారిత One UI 6.1పై రన్ అవుతాయి.
Galaxy A55 5G స్మార్ట్‌ఫోన్ 8GB RAM + 128GB స్టోరేజ్ ధర రూ.39,999, 8GB RAM + 256GB ధర రూ. 42,999, 12GB RAM+ 256GB ధర రూ.45,999. Galaxy A35 5G మోడల్ 8GB RAM + 128GB ధర రూ.30,999, 8GB RAM+ 256GB ధర రూ.33,999. కొనుగోలు సమయంలో HDFC, OneCard వంటి బ్యాంక్ కార్డులపై రూ.3,000 క్యాష్‌బ్యాక్ లభిస్తుంది. ఇవి మార్చి 18 నుంచి అమ్మకానికి అందుబాటులో ఉంటాయి.
ఫీచర్స్ విషయానికి వస్తే, రెండు మోడల్స్ కూడా 6.6-అంగుళాల పూర్తి-HD+ (1,080x2,408 పిక్సెల్‌లు) సూపర్ AMOLED డిస్‌ప్లేను కలిగి ఉన్నాయి. రిఫ్రెష్ రేట్ 120Hz. A55 5G వేరియంట్ Exynos 1480 ప్రాసెసర్‌ ద్వారా పనిచేస్తుంది. ఈ ఫోన్ 12MP అల్ట్రా-వైడ్-యాంగిల్ కెమెరా, 5MP మాక్రో, 50MP ప్రైమరీ కెమెరాను కలిగి ఉంది. ఇది సెల్ఫీల కోసం 32MP ఫ్రంట్ కెమెరాతో వచ్చి్ంది.
A35 5G వేరియంట్‌లో 50MP ప్రైమరీ, 8MP అల్ట్రా-వైడ్, 5MP మాక్రో కెమెరాలు ఉన్నాయి. ముందు సెల్ఫీల కోసం 13MP కెమెరా ఉంటుంది. రెండు మోడల్స్ 25W ఫాస్ట్ చార్జింగ్‌కు సపోర్ట్‌తో 5,000mAh బ్యాటరీలను కలిగి ఉన్నాయి. ఇవి దమ్ము, ధూళి నుంచి రక్షణ కోసం IP67 రేటింగ్‌తో వచ్చాయి.
