Redmi నుంచి బడ్జెట్ ధరలో మరో కొత్త మోడల్
దిశ, వెబ్‌డెస్క్: చైనాకు చెందినటువంటి రెడ్‌మీ కంపెనీ నుంచి త్వరలో కొత్త స్మార్ట్ ఫోన్ భారత మార్కెట్లోకి రానుంది. ఈ మోడల్ పేరు ‘Redmi 12’. ఫోన్ లాంచ్ గురించిన విషయాన్ని కంపెనీ ట్విట్టర్ ద్వారా పేర్కొంది. ఆగస్టు 1న ఈ ఫోన్ లాంచ్ అవుతున్నట్టు ట్విట్టర్ పోస్ట్‌లో తెలిపారు. ఇది ఇంతకుముందు ప్రపంచదేశాల్లో విడుదలవగా ఇప్పుడు భారత్‌లోకి అడుగుపెట్టనుంది.
అంచనాల ప్రకారం, ఈ ఫోన్ ఫీచర్స్ ఇలా ఉన్నాయి.. ఫోన్ 6.79-పూర్తి-HD+ (1,080X2,460 పిక్సెల్‌లు) డిస్‌ప్లేను కలిగి ఉంది. Android 13-ఆధారిత MIUI 14పై రన్ అవుతుంది. MediaTek Helio G88 SoC ప్రాసెసర్ ద్వారా పనిచేస్తుంది. ఇది ట్రిపుల్ కెమెరా సెటప్‌ను కలిగి ఉంది. బ్యాక్ సైడ్ 50MP+8MP+2MP కెమెరాలు ఉంటాయి. ముందు సెల్ఫీల కోసం 8-మెగాపిక్సెల్ సెన్సార్ ఉంది. ఫోన్ 18W ఫాస్ట్ చార్జింగ్‌‌తో 5,000mAh బ్యాటరీని కలిగి ఉంటుంది. దీని బేసిక్ మోడల్ ధర రూ. 17,000 నుంచి ఉండవచ్చని తెలుస్తోంది.
