అణుశాస్త్రవేత్తల అద్భుత సృష్టి.. క్యాన్సర్ చికిత్సకు సరికొత్త ఎక్స్-రే యంత్రం..
దిశ, ఫీచర్స్ : చైనాకు చెందిన అణుశాస్త్రవేత్తల బృందం క్యాన్సర్ చికిత్సలో ఉపయోగించే ఎక్స్-రే యంత్రాన్ని కనుగొన్నారు. దీనికి శాస్త్రవేత్తలు ఫ్లాష్ అని పేరు పెట్టారు. ఈ యంత్రం క్యాన్సర్ కణతిని తొలగించడంలో సహాయపడే శక్తివంతమైన రేడియేషన్ మిషన్. ఇది క్యాన్సర్ చికిత్సలో అధిక రేడియేషన్ శక్తిని అందిస్తుంది. రేడియోథెరపీలో నిమిషానికి 0.5 నుండి 20 Gy కంటే ఎక్కువ రేడియేషన్‌ను ఉత్పత్తి చేస్తుందని శాస్త్రవేత్తలు పేర్కొన్నారు.
కొత్త టెక్నాలజీ ఎలా పనిచేస్తుంది ?
చైనీస్ అకడమిక్ జర్నల్‌లో చేసిన పరిశోధన ప్రకారం కొత్త ఫ్లాష్ టెక్నాలజీ క్యాన్సర్ కణతులను మరింత సమర్థవంతంగా తొలగించగలదు. అలాగే రేడియోథెరపీ నుండి ఇబ్బందికరమైన దుష్ప్రభావాల ప్రమాదాన్ని కూడా తగ్గిస్తుంది. సిచువాన్ ప్రావిన్స్‌కు చెందిన చైనా అకాడమీ ఆఫ్ ఇంజనీరింగ్ ఫిజిక్స్, ఈశాన్య చైనాకు చెందిన హార్బిన్ ఇంజనీరింగ్ యూనివర్సిటీ శాస్త్రవేత్తలు దీనిని తయారు చేశారు. కొత్త రేడియేషన్ సిస్టమ్ క్యాన్సర్ చికిత్సలో ఎలా ఉపశమనం ఇస్తుందో ఇప్పుడు తెలుసుకుందాం.
క్యాన్సర్‌కు కీమోథెరపీ, సర్జరీ, ఇమ్యునోథెరపీ, రేడియోథెరపీతో చికిత్స చేస్తారు. రేడియేషన్ థెరపీ ఇస్తున్నప్పుడు, సాధారణ కణజాలాలకు నష్టం జరగకుండా క్యాన్సర్ కణతిని నాశనం చేయడం అంటే అది వైద్యులకు పెద్ద సవాలు. ఇప్పుడు కొత్త రేడియేషన్ సిస్టమ్ సహాయంతో, సాధారణ కణజాలాలకు హాని కలిగించకుండా మరింత శక్తివంతమైన రేడియేషన్‌ను కణితికి అందించవచ్చు. ఈ విధంగా చికిత్సను మెరుగుపరచవచ్చు.
రేడియేషన్ ద్వారా కణితి ఎలా తొలగిస్తారు ?
శరీరంలో క్యాన్సర్ కణాలు వేగంగా పెరిగి కణితి పెరుగుతుంది. కానీ రేడియేషన్ వాటి DNAని దెబ్బతీయడం ద్వారా క్యాన్సర్ కణాల పెరుగుదల నిలుస్తుంది. ఇది జరిగిన తర్వాత కణాలు విభజించలేవు. ఫలితంగా వారి సామర్థ్యం పోతుంది.
ట్రయల్‌లో ఫలితాలు ఎలా కనిపించాయి ?
గతంలో నిర్వహించిన ట్రయల్స్‌లో అల్ట్రా తక్కువ రేడియేషన్ డోస్ క్యాన్సర్ కణతుల పై సానుకూల ప్రభావాన్ని చూపినట్టు తేలిందని శాస్త్రవేత్తలు అంటున్నారు. చికిత్స సమయంలో రేడియేషన్ పరిమితిని పెంచవచ్చు. దీంతో కణితిని త్వరగా తొలగించవచ్చు.
కొత్త ఎక్స్-రే 'ఫ్లాష్' రేడియోథెరపీ టెక్నాలజీలో చాలా ప్రత్యేకమైన భాగం, దీనిని శాస్త్రవేత్తలు, వైద్యులు, ఇంజనీర్లు సంయుక్తంగా అభివృద్ధి చేశారు. కొత్త ఫ్లాష్ టెక్నాలజీ రేడియోథెరపీ ప్రమాదాలను తగ్గించే సామర్థ్యాన్ని కలిగి ఉంది. కొత్త సాంకేతికతలో రేడియేషన్ కోసం ప్రోటాన్లు లేదా ఎలక్ట్రాన్లను ఉపయోగించదు. ఇందులో ఎక్స్‌రేని ఉపయోగిస్తారు. కొత్త రేడియేషన్ వ్యవస్థ యంత్రం రూపంలో అందుబాటులోకి వస్తే, క్యాన్సర్ చికిత్స మునుపటి కంటే సులభంగా, మరింత ప్రభావవంతంగా ఉంటుంది. కేన్సర్‌ రోగులకు ఎక్స్‌రే ఫ్లాష్ రేడియోథెరపీ మెషీన్‌కు సంబంధించిన కొత్త నమూనా అందుబాటులోకి వస్తుందని చైనా పరిశోధకులు తెలిపారు. ప్రస్తుతం శాస్త్రవేత్తలు దాని ప్రీ-క్లినికల్, క్లినికల్ అధ్యయనాలకు సిద్ధమవుతున్నారు.
