తళపతి స్టైలే వేరు.. సైకిల్‌పై వచ్చి ఓటు వేసిన ‘మాస్టర్’

దిశ, వెబ్ డెస్క్: తమిళనాడులో శాసనసభ ఎన్నికల పోలింగ్‌ మొదలయింది. ఉదయం నుండి అందరు తమ ఓటు హక్కును వినియోగించుకుంటున్నారు. ఇక సెలెబ్రెటీలు సైతం తమ ఓటు హక్కును వినియోగించుకోవడానికి పోలింగ్ బూత్ ల వద్ద క్యూ కట్టారు. ఇప్పటికే రజినీకాంత్, కమల హాసన్ లాంటి ప్రముఖులు ఓటు హక్కును వినియోగించుకున్నారు. తాజాగా తమిళ్ హీరో విజయ్ విన్నూతంగా సైకిల్ పై పోలింగ్ బూత్ వద్దకు వచ్చి ఓటు వేయడం గమనార్హం. చెన్నైలోని నీలాంకరైలో గల ఓ పోలింగ్‌ కేంద్రానికి విజయ్‌ తన ఇంటి నుంచి సైకిల్‌పై వచ్చారు. అనంతరం క్యూలైన్‌లో నిల్చుని తన ఓటు హక్కు వినియోగించుకున్నారు. ఇక తమ అభిమాన హీరో నిరాడంబరంగా సైకిల్ పై వచ్చి ఓటుహక్కును వినియోగించుకోవడంపై తళపతి అభిమానులు ఫిదా అవుతున్నారు.