హీరోలపై హీరోయిన్ సంచలన వ్యాఖ్యలు.. వారి ఇమేజ్ దెబ్బతింటుందనే అలా చేస్తారు
దిశ, సినిమా : బాలీవుడ్ ఇండస్ట్రీలో తనదైన మార్క్ వేసింది తాప్సీ పన్ను. ఉమెన్ సెంట్రిక్ ఫిల్మ్స్, స్ట్రాంగ్ ఫిమేల్ క్యారెక్టర్స్ ప్లే చేస్తూ టాలెంటెడ్ యాక్ట్రెస్‌గా క్రిటిక్స్ కాంప్లిమెంట్స్ అందుకుంటోంది. ఇక తాప్సీ నెక్స్ట్ ఫిల్మ్ ‘రష్మి రాకెట్’ జీ5లో అక్టోబర్ 15న రిలీజ్ అవుతుండగా.. అందుకు సంబంధించిన ప్రమోషన్స్‌లో బిజీగా ఉంది. ఈ క్రమంలో ఓ ఇంటర్వ్యూలో తన సినిమాల్లో మేల్ స్టార్ యాక్టర్స్ ఎందుకు నటించరన్న ప్రశ్నపై స్పందించిన తాప్సీ.. తన మూవీ విషయంలో ప్రతీసారి ఇలాంటి సమస్య ఎదురవుతుందని వివరించింది. ఒక ప్రాజెక్ట్‌లో అమ్మాయి పాత్ర కంటే కొంచెం తక్కువ ఇంపార్టెన్స్ ఉన్నా.. కొత్తగా ఇండస్ట్రీకి వచ్చిన నటులు కూడా ఆ క్యారెక్టర్ ప్లే చేసేందుకు ముందుకు రావడం లేదని తెలిపింది. ఎందుకంటే అది వారి ఇమేజ్‌ను దెబ్బతీస్తుందనే అపోహలో ఉన్నారని తెలిపింది. కానీ పురుషుల కంటే తక్కువ ప్రాధాన్యత ఉందని మహిళలు ఎప్పుడూ అనుకోరన్న తాప్సీ.. ‘మిషన్ మంగళ్’ మూవీలో ఐదుగురు అమ్మాయిలతో పాటు అక్షయ్ కుమార్ ఉన్నారని, తమలో ఎవరూ కూడా స్క్రీన్ టైమ్ తక్కువగా ఉందని అనుకోలేదని చెప్పింది.
