నా బయోపిక్‌కు వాళ్లిద్దరే బెస్ట్ చాయిస్ : సురేష్ రైనా
దిశ, సినిమా: బాలీవుడ్‌లో బయోపిక్స్ హవా నడుస్తుండగా.. చాలా మంది క్రీడాకారుల సక్సెస్ జర్నీపై తెరకెక్కిన సినిమాలు బాక్సాఫీస్ వద్ద సత్తా చాటుతున్నాయి. ఈ మేరకు భారత మాజీ క్రికెట్ కెప్టెన్ ఎంఎస్ ధోని బయోపిక్ మూవీ వసూళ్ల వర్షం కురిపించిన విషయం తెలిసిందే. ఇదే క్రమంలో మేకర్స్ మరికొందరు క్రికెటర్లపై సినిమాలు తీసేందుకు ప్రయత్నిస్తుండగా.. తాజాగా టీమిండియా మాజీ ఆటగాడు సురేష్ రైనా బయోపిక్ తెరపైకొచ్చింది. అయితే టైటిల్ రోల్ ఎవరు చేస్తే బాగుంటుందో స్వయంగా సురేష్ రైనానే లేటెస్ట్ ఇంటర్వ్యూలో వెల్లడించాడు. సౌత్ స్టార్స్ సూర్య లేదా దుల్కర్ సల్మాన్ తన క్యారెక్టర్‌కు చక్కగా సరిపోతారని అభిప్రాయపడ్డ రైనా.. సూర్య నిజంగానే చాలా పెద్ద క్రికెట్ ఫ్యాన్ అని తెలిపాడు.
ఇక సూర్య కూడా సోషల్ మీడియాలో రైనా పట్ల ప్రేమను వ్యక్తపరచడంతో పాటు హార్డ్ టైమ్స్‌లో అండగా నిలుస్తూ పోస్టులు పెడుతుంటాడు. వీరిద్దరి మధ్య మంచి స్నేహం ఉన్నట్టు తెలుస్తుండగా.. చెన్నై సూపర్ కింగ్స్ జట్టు సభ్యుడిగా ఉన్న రైనాకు ఆ సెంటిమెంట్ కూడా కలిసొచ్చే అవకాశం ఉంది. కాగా ప్రపంచంలోనే బెస్ట్ ఫీల్డర్స్‌లో ఒకడిగా పేరుతెచ్చుకున్న రైనా.. 15 ఆగస్టు 2020న ధోని రిటైర్‌మెంట్ ప్రకటించిన వెంటనే తను కూడా అన్ని ఫార్మాట్లకు గుడ్‌బై చెప్పిన సంగతి తెలిసిందే.
- Tags
- Dulquer Salmaan
