కొత్త మండలాల సబ్ డివిజన్లు మార్పు

దిశ, న్యూస్‌బ్యూరో: రాష్ట్రంలో కొత్తగా ఏర్పాటు చేసిన మండలాల్లో భాగంగా రెండు మండలాలను పంచాయత్ రాజ్ సబ్ డివిజన్లను మారుస్తూ ప్రభుత్వం మంగళవారం ఉత్తర్వులు జారీ చేసింది. గతంలో జనగామ జిల్లాలో ఉన్న గుండాల మండలాన్ని యాదాద్రి భువనగిరి జిల్లా పరిధికి మార్చారు. దీంతో పంచాయతీ రాజ్ సబ్ డివిజన్ కూడా మార్చాల్సి ఉండటంతో తాజాగా మార్పులు చేశారు. గుండాల మండలాన్ని జనగామ రెవెన్యూ డివిజన్ నుంచి యాదాద్రి భువనగిరి జిల్లా భువనగిరి రెవెన్యూ డివిజన్ పరిధిలోకి మార్చారు. అదే విధంగా భువనగిరి డివిజన్‌లో ఉన్న రామన్నపేట మండలాన్ని చౌటుప్పల్ సబ్ డివిజన్‌కు మార్చుతూ ఉత్తర్వులు జారీ చేశారు.