మహేశ్ బాబు కుర్చీ మడతపెట్టి సాంగ్‌కు విరాట్ కోహ్లీ మాస్ డ్యాన్స్..!

దిశ, వెబ్‌డెస్క్: టాలీవుడ్ ప్రిన్స్, సూపర్ స్టార్ మహేష్ బాబు, త్రివిక్రమ్ కాంబో‌లో సంక్రాంతి కానుకగా గుంటూరు కారం సినిమా విడుదలైంది. ఈ సినిమాలోని అన్ని పాటలు బ్లాక్ బస్టర్ హిట్ కాగా.. కుర్చీ మడతపెట్టి.. అనే మాస్ సాంగ్‌ అంతకు మించి హిట్ అయింది. కాగా ఈ పాటకు సంబంధించిన ఫుల్ వీడియోను ఇటీవల మేకర్స్ రిలీజ్ చేయగా 15 మిలియన్స్ వ్యూస్ సాదించి నేటికి ట్రెండింగ్ లో కొనసాగుతుంది. అలాగే సోషల్ మీడియాలో కూడా అనేకమంది ఈ పాటకు స్టెప్పులేస్తూ వీడియోలు పోస్ట్ చేస్తున్నారు. ఈ క్రమంలోనే భారత స్టార్ క్రికెటర్ విరాట్ కోహ్లీ అతని భార్య అనుష్క శర్మ కలిసి కుర్చీ మడతపెట్టి సాంగ్‌కు డాన్స్ చేసిన వీడియో సోషల్ మీడియాలో వైరల్ గా మారింది. అయితే వారిద్దరు కలిసి గతంలో చేసిన డ్యాన్స్‌కు గుంటూరు కారం సినిమా సాంగ్‌ను ఫర్పెక్ట్ సింక్‌తో ఎడిట్ చేసి అప్ లోడ్ చేయడంతో విరాట్, అనుష్క నిజంగానే కుర్చీ మడతపెట్టి సాంగ్ కు డ్యాన్స్ చేసినట్లు అనిపిస్తుంది.